Image: Gov Nene Jalosjos bequeathal speech - cropped
Description: Pormal nga nanumpa si kanhi Zamboanga del Norte Rep. Seth Frederick “Bullet” Pal Jalosjos isip bag-ong mayor sa Dapitan atubangan sa liboan ka mga residente ug bisita kagahapong adlawa, Hunyo 30, 2022, sa Dapitan City Government Center. Ang kanhi kongresista nanumpa isip 43rd Local Chief Executive ug 15th Mayor sa Dapitan atubangan ni Judge Hilarion Jonathan Maagad atul sa gipahigayong Assumption and Inauguration Ceremony. Gisaksihan ang seremonya sa iyang mga ginikanan nga sila ex-Cong. Romeo “Nonong” Jalosjos ug former recording artist Lourna Pal, ingon man sa iyang mga igsoon nga sila ex-Mayor Svetlana Jalosjos ug Zambonga del Norte 1st District Rep. Romeo Jalosjos Jr. Nanumpa usab si Vice Mayor-elect Alfredo Sy ug ang siyam ka mga bag-ong miyembro sa Sangguniang Panlungsod nga sila Hon. Jezebel “Bing” Balisado, Divine Patilano, Mitzie Adriatico-Dulawan, Modesta Malayao, Ronie Jarapan, Joseph Ryan Agolong, Engr. Noel Sardane, Atty. Claver Pajaren, ug Ludivico Hamoy. Malipayong gidawat ni Mayor Bullet Jalosjos ang Key of Responsibility gikan kang Provincial Governor Rosalina “Nene” Jalosjos, kinsa maoy kanhing mayor sa syudad. Sa iyang inaugural address, misaad si Mayor Bullet Jalosjos ngadto sa gobernadora nga iyang padayong atimanon ang mga Dapitanon ilawom sa iyang administrasyon. Dugang sa mayor, iyang hatagan ug insaktong pondo ang health and wellness program ug itanyag ang barato ug de kalidad nga universal health care sa dakbayan aron mabatunan sa mga katawhan ang ilang mga panginahanglan sa pag-atiman sa panglawas. Dakong garbong gianunsyo usab ni Mayor Bullet Jalosjos nga karong Hulyo 20 ning tuiga ang kagamhanang lokal sa Dapitan mopirma ug kasabutan alang sa opening sa Adamson University. Human sa seremonya, gipahigayon ang ‘One Dapitan, One Dapitanon’ thanksgiving concert diin mipasundayag ang mga sikat nga TV personalities nga sila Liezel Garcia, Gloc-9, Hero, Dominic Roque, Donita Nose, ug Ayee uban sa Jose Rizal Memorial State University (JRMSU) talents ug Liqweed band. (CID-Gretchen Diniay)
Title: Gov Nene Jalosjos bequeathal speech - cropped
Credit: https://www.facebook.com/photo?fbid=401063928729605&set=pcb.401064162062915
Author: City Information Division - CID - Dapitan
Usage Terms: Public domain
License: Public domain
Attribution Required?: No
Image usage
The following page links to this image:
